Monday, October 8, 2012
എല്‍എല്‍ബി: പുനഃപ്രവേശനത്തിന് അപേക്ഷിക്കാം
തിരു: കോഴിക്കോട് ഗവണ്‍മെന്റ് ലോ കോളേജില്‍ പഞ്ചവത്സര/ത്രിവത്സര എല്‍എല്‍ബി കോഴ്സുകളുടെ മൂന്ന്, അഞ്ച്, ഏഴ്, ഒമ്പത് സെമസ്റ്ററുകളില്‍ ഒഴിവുള്ള സീറ്റുകളിലേക്ക് നിലവിലുള്ള സിലബസ് പ്രകാരം പഠിച്ചുകൊണ്ടിരുന്നപ്പോള്‍ ഇടയ്ക്ക് പഠനം നിര്‍ത്തിയവര്‍ക്ക് പുനഃപ്രവേശനത്തിനും തൃശൂര്‍ ഗവ. ലോ കോളേജില്‍ പഠിച്ച്കൊണ്ടിരിക്കുന്നവര്‍ക്ക് കോളേജ് മാറ്റത്തിനും വേണ്ടി 20 വരെ അപേക്ഷിക്കാവുന്നതാണ്. അപേക്ഷയുടെ മാതൃക കോളേജ് ഓഫീസില്‍നിന്നും ലഭിക്കും. അപേക്ഷയോടൊപ്പം പ്ലസ്ടു/ഡിഗ്രി മാര്‍ക്ക് ലിസ്റ്റിന്റെ സാക്ഷ്യപ്പെടുത്തിയ കോപ്പിയും എല്‍എല്‍ബി അവസാനമെഴുതിയ പരീക്ഷയുടെ ഹാള്‍ ടിക്കറ്റിന്റെ ശരിപ്പകര്‍പ്പും ഉണ്ടായിരിക്കണം. കോളേജില്‍ പുനഃപ്രവേശനം നേടുന്നതിനുള്ള അവസാനതീയതി നവംബര്‍ 15. കോളേജ് മാറ്റത്തിന് അപേക്ഷിക്കുന്നവര്‍ തൃശൂര്‍ ഗവ. ലോ കോളേജ് പ്രിന്‍സിപ്പല്‍ സാക്ഷ്യപ്പെടുത്തിയ കോളേജ് മാറ്റത്തിനുള്ള അപേക്ഷയും പ്രവേശനസമയത്ത് ലഭിച്ച അലോട്ട്മെന്റ് മെമ്മോയുടെ കോപ്പിയും അടക്കം ചെയ്തിരിക്കണം.
http://www.deshabhimani.com/newscontent.php?id=210718
Tuesday, September 25, 2012
ബി.കോം പ്രായോഗിക പരീക്ഷ
കേരള സര്‍വകലാശാല മേയില്‍ നടത്തിയ നാലാം സെമസ്റ്റര്‍ ബി.കോം (സി.ബി.സി.എസ്.എസ്) പ്രായോഗിക പരീക്ഷയുടെ സി.ഇ മാര്‍ക്കുകള്‍ ഒക്‌ടോബര്‍ അഞ്ചിന്‌ മുമ്പ്‌ പരീക്ഷാ കണ്‍ട്രോളര്‍ക്ക്‌ സമര്‍പ്പിക്കണം.
നീറ്റ്: ദേശീയപരീക്ഷ നവംബര്‍ 23 മുതല്‍
കണ്ണൂര്‍: മെഡിക്കല്‍ കൗണ്‍സില്‍ ഓഫ് ഇന്ത്യയുടെ നിയന്ത്രണത്തിലുള്ള എംഡി, എംഎസ്, പിജി ഡിപ്ലോമ കോഴ്സുകള്‍ക്ക് പഠിക്കാന്‍ ഇനി "നീറ്റ്" (NATIONAL ELIGIBILITY CUM ENTRANCE TEST) പരീക്ഷ പാസാകണം. ഇതില്‍ നിശ്ചിത ശതമാനം മാര്‍ക്ക് ലഭിക്കാത്തവര്‍ക്ക് ഇനി മെഡിക്കല്‍ കോളേജുകളില്‍ പിജി കോഴ്സുകള്‍ക്ക് പ്രവേശനം ലഭിക്കില്ല. നാഷണല്‍ ബോര്‍ഡ് ഓഫ് എക്സാമിനേഷന്‍ നീറ്റ് പരീക്ഷകളുടെ ചുമതല വഹിക്കും.
ഡിപ്ലോമ ഇന്‍ ജനറല്‍ നേഴ്സിങ് ആന്‍ഡ് മിഡ്വൈഫറി കോഴ്സ്
തിരു: മെഡിക്കല്‍ വിദ്യാഭ്യാസവകുപ്പ് പട്ടികജാതി/വര്‍ഗ വിഭാഗത്തില്‍പ്പെട്ടവര്‍ക്കായി 2012-13ല്‍ നടത്തുന്ന ഡിപ്ലോമ ഇന്‍ ജനറല്‍ നേഴ്സിങ് ആന്‍ഡ് മിഡ്വൈഫറി കോഴ്സിന്റെ ഇന്റര്‍വ്യു 29ന് രാവിലെ 10 മുതല്‍ നടത്തും. പ്രവേശനം ആഗ്രഹിക്കുന്ന റാങ്ക് ലിസ്റ്റില്‍ ഒന്നുമുതല്‍ 250 വരെയുള്ള എല്ലാ പട്ടികജാതി/ പട്ടികവര്‍ഗ വിദ്യാര്‍ഥികളും, എല്ലാ ആണ്‍കുട്ടികളും (ഇരുപതാം തീയതി കൗണ്‍സലിങ് കഴിഞ്ഞ് അഡ്മിഷന്‍ എടുത്തവര്‍ വരേണ്ടതില്ല) അന്നേ ദിവസം ഇന്റര്‍വ്യുവിന് ഹാജരാകണം. പുതുതായി അപേക്ഷ നല്‍കാന്‍ ഉദ്ദേശിക്കുന്ന പട്ടികവര്‍ഗ വിദ്യാര്‍ഥികള്‍ക്കും ഇന്റര്‍വ്യൂവിന് ഹാജരാകാം.
പ്രോസ്പെക്ടസില്‍ പറയുന്ന അസ്സല്‍ സര്‍ട്ടിഫിക്കറ്റുകള്‍ ഹാജരാക്കേണ്ടതാണ്. ഈ ഇന്റര്‍വ്യുവില്‍ പങ്കെടുക്കാത്തവരെ പിന്നീട് പരിഗണിക്കില്ല. മെഡിക്കല്‍ കോളേജ് ക്യാമ്പസിലുള്ള മെഡിക്കല്‍ വിദ്യാഭ്യാസ കാര്യാലയത്തില്‍വച്ച് ഇന്റര്‍വ്യു നടത്തും. റാങ്ക് ലിസ്റ്റിലുള്ള എല്ലാ പട്ടികജാതി/വര്‍ഗ വിഭാഗക്കാരും എല്ലാ ആണ്‍കുട്ടികളും ഇന്റര്‍വ്യൂവിന് പങ്കെടുക്കണം. വിവരങ്ങള്‍ക്ക് www.dme. kerala. gov.in എന്ന വെബ്സൈറ്റ് പരിശോധിക്കാം.
http://www.deshabhimani.com/newscontent.php?id=206877
ഇന്ത്യന്‍ ഓയിലില്‍ 400 ഒഴിവുകള്‍
രാജ്യത്തെ ഏറ്റവും വലിയ എണ്ണക്കമ്പനിയായ ഇന്ത്യന്‍ ഓയില്‍ കോര്‍പ്പറേഷന്‍ ലിമിറ്റഡില്‍ (ഐ.ഒ.സി.എല്‍) 400 ഒഴിവുകളുണ്ട്. 250 ഗ്രാജ്വേറ്റ് എഞ്ചിനിയര്‍മാരുടെയും 150 അസിസ്റ്റന്റ് ഓഫീസര്‍മാരുടെയും ഒഴിവുകളിലേക്കാണ് അപേക്ഷ ക്ഷണിച്ചത്. സിവില്‍, കെമിക്കല്‍, കമ്പ്യൂട്ടര്‍ ആന്റ് ഇന്‍ഫര്‍മേഷന്‍ ടെക്‌നോളജി, ഇലക്ട്രിക്കല്‍, ഇന്‍സ്ട്രുമെന്റേഷന്‍, മെക്കാനിക്കല്‍, മെറ്റലര്‍ജി വിഭാഗങ്ങളിലാണ് ഓഫീസര്‍ തസ്തികയില്‍ ഗ്രാജ്വേറ്റ് എഞ്ചിനീയര്‍മാരുടെ ഒഴിവുള്ളത്.
ഹൈകോടതി ഇലക്ട്രീഷ്യന്‍ പരീക്ഷ 22ന്
കൊച്ചി: കേരള ഹൈകോടതിയിലെ ഇലക്ട്രീഷ്യന്‍ തസ്തികയിലേക്കുള്ള തെരഞ്ഞെടുപ്പിനായുള്ള എഴുത്തുപരീക്ഷ എറണാകുളത്ത് ഹൈകോടതി ഓഡിറ്റോറിയത്തില്‍വെച്ച് ഈ മാസം 22ന് രാവിലെ 10 മുതല്‍ 11.15 വരെ നടത്തും. യോഗ്യതയുള്ള എല്ലാ ഉദ്യോഗാര്‍ഥികള്‍ക്കും അഡ്മിഷന്‍ ടിക്കറ്റ് അയച്ചിട്ടുണ്ട്. ലഭിക്കാത്തവര്‍ 0484 2562235 നമ്പറില്‍ ബന്ധപ്പെടണമെന്ന് രജിസ്ട്രാര്‍ അറിയിച്ചു.
http://madhyamam.in/news/191747/120920
http://madhyamam.in/news/191747/120920
ബെല്ലില്‍ 150 ഒഴിവുകള്‍
ഭാരത് ഇലക്ട്രോണിക്‌സ് ലിമിറ്റഡ് (ബെല്‍) പ്രൊബേഷണറി എഞ്ചിനീയര്‍മാരുടെ 150 ഒഴിവുകളിലേക്ക് അപേക്ഷ ക്ഷണിച്ചു. ഇലക്ട്രോണിക്‌സ് ആന്റ് കമ്യൂണിക്കേഷന്‍ എഞ്ചിനീയറിങ് (ഇ.സി)-80, മെക്കാനിക്കല്‍ എഞ്ചിനീയറിങ് (എം.സി)- 25, കമ്പ്യൂട്ടര്‍ സയന്‍സ് ആന്റ് ഇന്‍ഫര്‍മേഷന്‍ ടെക്‌നോളജി (സി.എസ്)-45 എന്നിങ്ങനെയാണ് ഒഴിവുകളുള്ളത്.
2013ലെ ഗേറ്റ് സ്‌കോര്‍ അടിസ്ഥാനമാക്കിയാണ് തെരഞ്ഞെടുപ്പ്. വിശദവിവരങ്ങളറിയാന്‍ www.bel-india.com എന്ന വെബ്സൈറ്റ് സന്ദര്‍ശിക്കുക. ഗേറ്റ് 2013ന് അപേക്ഷിക്കുമ്പോള്‍ ലഭിക്കുന്ന രജിസ്‌ട്രേഷന്‍ നമ്പര്‍ ഉപയോഗിച്ച് ഇതേ സൈറ്റിലാണ് ഓണ്‍ലൈന്‍ അപേക്ഷ സമര്‍പ്പിക്കേണ്ടത്. ബെല്ലില്‍ അപേക്ഷ സ്വീകരിക്കുന്ന അവസാന തീയ്യതി ഫെബ്രുവരി-14.
http://madhyamam.in/news/191878/120922
Subscribe to:
Posts (Atom)