തേഞ്ഞിപ്പലം: ബിഎഡ് നേടിയിട്ടും ബിരുദ കോഴ്സിന് 45 ശതമാനം മാര്ക്കില്ലെന്ന കാരണത്താല് അധ്യാപക യോഗ്യതാ പരീക്ഷയായ കെ-ടെറ്റ് എഴുതാന് അവസരം കിട്ടാതിരിക്കുന്നവര്ക്ക് പ്രത്യേക ഇംപ്രൂവ്മെന്റ് പരീക്ഷ നടത്തും. കലിക്കറ്റ് സര്വകലാശാല ആദ്യമായി നടത്തിയ അദാലത്തിന്റെ മൂന്നാംദിനത്തിലാണ് വൈസ് ചാന്സലര് ഡോ. എം അബ്ദുള് സലാം ഇക്കാര്യം പ്രഖ്യാപിച്ചത്. സംസ്ഥാനത്തിന് പുറത്തുനിന്ന് ബിഎഡ് നേടിയവര്ക്കും ഈ പരീക്ഷയില് പങ്കെടുക്കാം. 2012 ല് ബിഎ, ബിഎസ്സി, ബികോം കോഴ്സുകള് സിസിഎസ്എസ് സ്കീം പ്രകാരം പൂര്ത്തിയാക്കി നാലാം സെമസ്റ്ററില് പരാജയപ്പെട്ടവരില് നേരത്തെ അപേക്ഷിക്കാന് കഴിയാതിരുന്നവര്ക്കായി പ്രത്യേക നാലാം സെമസ്റ്റര് സപ്ലിമെന്ററി പരീക്ഷ നടത്തുമെന്നും വൈസ് ചാന്സലറും പരീക്ഷാ കണ്ട്രോളര് വി രാജഗോപാലനും അറിയിച്ചു. ഒന്നാം വര്ഷ പരീക്ഷ പാസായത് നാലാം വര്ഷത്തെ പേപ്പറുകള് പാസായ ശേഷമാണ് എന്ന സാങ്കേതിക കാരണത്താല് തടഞ്ഞുവയ്ക്കപ്പെട്ട ബിഫാം സര്ട്ടിഫിക്കറ്റ്് ഉടനടി നല്കാന് ഉത്തരവിട്ടു. അദാലത്തില് നൂറുകണക്കിന് പരാതികള്ക്ക് പരിഹാരമായി.
http://www.deshabhimani.com/newscontent.php?id=198815
No comments:
Post a Comment