കോഴിക്കോട്: കാലിക്കറ്റ് സര്വകലാശാലയില് 1990നു ശേഷം വിവിധ പി.ജി പരീക്ഷകളെഴുതി പരാജയപ്പെട്ടവര്ക്ക് പ്രത്യേക സപ്ലിമെന്ററി പരീക്ഷ നടത്തും. 55 ശതമാനം മാര്ക്ക് ലഭിക്കാതെ പി.ജി ജയിച്ചവര്ക്ക് ഫലം മെച്ചപ്പെടുത്താനുള്ള അവസരവും ഇതോടൊപ്പം നല്കും. അടുത്തയാഴ്ച ഇതു സംബന്ധിച്ച് വിജ്ഞാപനമിറക്കാനും ധാരണയായി. സര്വകലാശാലയില് ബുധനാഴ്ച നടന്ന പി.ജി അദാലത്തിലെ പരാതികള് കണക്കിലെടുത്താണ് തീരുമാനം.പഴയ സിലബസില് പി.ജിക്ക് പഠിച്ച് നിശ്ചിത സമയത്തിനകം ജയിക്കാത്തവര്ക്കാണ് ഇത് ഗുണകരമാവുക. സിലബസ് മാറിയതിനാല് സപ്ലിമെന്ററി അവസരമുപയോഗിക്കാന് കഴിയാത്തവരാണിവര്. 50, 55 ശതമാനം മാര്ക്കില്ലാത്തതിനാല് സെറ്റ്, നെറ്റ് എഴുതാന് കഴിയാത്തവര്ക്കാണ് ഇംപ്രൂവ്മെന്റ് പരീക്ഷ നടത്തുന്നത്. അപേക്ഷ ക്ഷണിച്ച് പരീക്ഷാര്ഥികളുടെ എണ്ണം നോക്കി തീയതി പ്രഖ്യാപിക്കും. പഴയ സിലബസില് പരീക്ഷ നടത്തുന്നതിനാല് പ്രത്യേക ഫീസ് ഈടാക്കാനും തീരുമാനിച്ചിട്ടുണ്ട്. വി.സി. ഡോ. എം. അബ്ദുല് സലാം പരീക്ഷാ കണ്ട്രോളര് പ്രഫ. വി. രാജഗോപാലന്, സിന്ഡിക്കേറ്റ് അംഗങ്ങള് എന്നിവര് അദാലത്തില് പങ്കെടുത്തു.
http://madhyamam.in/news/189213/120906
No comments:
Post a Comment